Sankranti: బసవన్న మృతితో చలించిన గ్రామస్థులు.. వందేళ్లుగా భోగి పండుగకు దూరం..
1 min read
Sankranti: సంక్రాంతి పండుగ హిందువుల పెద్ద పండుగ. మూడు రోజుల పాటు జరిగే ఈ పండుగలో మొదటి రోజు జరిగే భోగి పండుగకు ఓ ప్రత్యేకత ఉంది. పిల్లలు, పెద్దలు, మహిళలు, యువకులు అందరూ భోగి పండుగకు వారం రోజుల ముందు ఆవు పేడ తయారు చేయడం, పిడక దండలు చేయడంలో నిమగ్నమై ఉంటారు. ఎండిన చెట్లను నరికి భోగి మంటల కోసం కలపను కూడా సిద్ధం చేస్తారు. అర్ధరాత్రి నుంచి భోగి ఏర్పాట్ల కోసం పట్టణమంతా ఒక్కటైంది. సూర్యోదయానికి ముందే నిద్రలేచి స్నానం చేసి భోగి మంటల్లో పిడక మాలలు వేయాలి. సంస్కృతి సంప్రదాయాలను పాటిస్తూ సంతోషంగా జీవిస్తున్నారు. భోగి పండుగ రోజు పిల్లలకు కూడా భోగి కాయలు పెడతారు. భోగి రోజు పిల్లలకు భోగి పండు పెడితే అష్టైశ్వర్యాలు సిద్ధిస్తాయని, విద్యాభివృద్ది చెందుతుందని, స్వచ్ఛమైన వాక్కు వస్తుందని పెద్దల నమ్మకం. అందుకే సంక్రాంతి రోజున భోగిపళ్లకు ప్రత్యేక ప్రాధాన్యత ఇస్తారు.
ఉమ్మడి విజయనగరం జిల్లాలోని పలు గ్రామాల ప్రజలు వందేళ్లుగా భోగి పండుగకు దూరంగా ఉంటున్నారు. దశాబ్దాల క్రితం భోగి మంటలను వెలిగించే సమయంలో ఏర్పడిన అపశృతి కారణంగా ఈ భోగి పండుగకు దూరంగా ఉంటున్నామని గ్రామస్తులు చెబుతున్నారు. ముఖ్యంగా జియ్యమ్మవలస మండలంలోని బాసంగి, కొమరాడ మండలంలోని కల్లికోటలో ఈ భోగి పండుగను జరుపుకోవడం లేదు. సుమారు వందేళ్ల క్రితం బాసంగిలో సింహాద్రి అప్పన్నగా భావిస్తున్న ఎద్దు భోగి మంటల్లో చిక్కుకుని మరణించింది. అదే ఏడాది ఆ గ్రామం ఆర్థికంగా అనేక ఇబ్బందులను ఎదుర్కోవాల్సి వచ్చింది. దైవ స్వరూపంగా భావించే బసవన్న మరణంతోనే ఈ అపచారం జరిగిందని భావించారు.
