Israel-Palestine war: ప్రయాణికులకు అలెర్ట్.. అక్టోబర్ 14 వరకు విమానాలు రద్దు

Israel-Palestine war: పశ్చిమాసియా మరోసారి యుద్ధంలో చిక్కుకుంది. శనివారం ఉదయం హమాస్ ఇజ్రాయెల్‌పై దాడి చేసిన తర్వాత, ప్రపంచంలో మరో కొత్త యుద్ధం ప్రారంభమైంది. దాని ప్రభావం చుట్టు ప్రక్కల ప్రాంతాల్లో కనిపిస్తున్నాయి. తాజా సంక్షోభం దృష్ట్యా, దేశీయ విమానయాన సంస్థ ఎయిర్ ఇండియా ఇజ్రాయెల్ రాజధాని టెల్ అవీవ్‌కు తన విమానాలను అక్టోబర్ 14 వరకు రద్దు చేసింది. అక్టోబరు 14 వరకు టెల్ అవీవ్‌కు బయలుదేరే అన్ని విమానాలను రద్దు చేయాలని ఎయిర్‌లైన్ నిర్ణయించినట్లు ఎయిర్ ఇండియా ప్రతినిధి ఆదివారం మధ్యాహ్నం తెలిపారు. తమ సిబ్బంది, ప్రయాణికులందరి భద్రతను దృష్టిలో ఉంచుకుని కంపెనీ ఈ నిర్ణయం తీసుకుందని అధికార ప్రతినిధి తెలిపారు. అక్టోబరు 14వ తేదీ వరకు టికెట్ కన్ఫర్మ్ చేసుకున్న ప్రయాణికులందరికీ సంస్థ అన్ని విధాలా సాయం చేస్తుందని తెలిపారు.

Read Also: Prabhas: డైనోసర్ తో వార్ కి దిగితే కింగ్ కి కూడా బొమ్మ కనిపించాల్సిందే

టాటా గ్రూప్ ఎయిర్‌లైన్స్ ఎయిర్ ఇండియా టెల్ అవీవ్ – న్యూఢిల్లీ మధ్య వారానికి ఐదు విమానాలను నడుపుతోంది. ఈ విమానాలు సోమవారం, మంగళవారం, గురువారం, శనివారం , ఆదివారం. తాజా ప్రకటనకు ముందు కంపెనీ శనివారమే విమానాల రద్దు గురించి సమాచారాన్ని ఇచ్చింది. అయితే, అక్టోబర్ 7వ తేదీ శనివారం నాటి విమానాలకు సంబంధించి ఒక్క రోజు మాత్రమే అప్‌డేట్ ఇవ్వబడింది. శనివారం తెల్లవారుజామున హమాస్ అకస్మాత్తుగా ఇజ్రాయెల్‌పై దాడి చేసి.. మొత్తం ప్రపంచాన్ని ఆశ్చర్యపరిచింది. ఇజ్రాయెల్‌పై ఈ స్థాయి దాడి గత ఐదు దశాబ్దాల తర్వాత మొదటిసారి కనిపించింది. హమాస్ దాడి తర్వాత ఇజ్రాయెల్ యుద్ధం ప్రకటించింది. ఇది యుద్ధానికి నాంది అని ఇజ్రాయెల్ ప్రధాని బెంజమిన్ నెతన్యాహు స్పష్టంగా చెప్పారు. ఈ యుద్ధంలో ఇప్పటివరకు పౌరులతో సహా వందలాది మంది మరణించారు.

Read Also: AP Dasara Holidays: ఏపీకి 13 రోజులు దసరా సెలవులు.. ప్రకటించిన జగన్‌ సర్కార్

స్పందించిన ప్రధాని మోడీ
ఇజ్రాయెల్‌పై జరిగిన ఈ దాడిని భారత్ ఖండించింది. ప్రధాని నరేంద్ర మోడీ హమాస్ చర్యను ఉగ్రవాద దాడిగా అభివర్ణించారు. అమెరికా, బ్రిటన్, ఫ్రాన్స్ సహా అనేక పాశ్చాత్య దేశాలు కూడా ఇజ్రాయెల్‌కు మద్దతు పలికాయి. వివిధ నివేదికలలో వస్తున్న అప్‌డేట్‌లు యుద్ధం చాలా కాలం పాటు సాగే అవకాశం ఉందని సూచిస్తున్నాయి.