Ayodhya Ram Mandir: రామమందిర వేడుక.. 55 దేశాల నుంచి 100 మంది ప్రముఖులు

Ayodhya Ram Mandir: ఈ నెల 22న అయోధ్యలో రామ మందిర ప్రారంభోత్సవం అట్టహాసంగా జరగనుంది. బలరాముడి విగ్రహం కోసం యావత్ దేశం ఆసక్తిగా ఎదురుచూస్తోంది. అయోధ్య నగరంలో ఇప్పటికే పండుగ వాతావరణం నెలకొంది. యూపీలో యోగి సర్కార్ ఇప్పటికే అన్ని ఏర్పాట్లు పూర్తి చేసింది. ఈ కార్యక్రమానికి ప్రధాని నరేంద్ర మోదీ ముఖ్య అతిథిగా హాజరవుతుండగా, పలువురు రాజకీయ నేతలు, దేశంలోని వివిధ రంగాల్లోని ప్రముఖులు ఈ కార్యక్రమానికి హాజరవుతున్నారు. మొత్తం 7 వేల మంది అతిథులు, లక్షల మంది ప్రజలు ఈ గ్రాండ్ ఈవెంట్‌కు హాజరుకానున్నారు. ఈ కార్యక్రమానికి మన దేశం నుంచే కాకుండా ప్రపంచంలోని 55 దేశాల నుంచి 100 మంది సెలబ్రిటీలు హాజరవుతారని సమాచారం. ప్రపంచ హిందూ ఫౌండేషన్ వ్యవస్థాపకుడు స్వామి విఘ్నానంద ఈ రోజు మాట్లాడుతూ ప్రాణప్రతిష్ట వేడుకకు విదేశీ రాయబారులు, ఎంపీలు హాజరవుతున్నారని తెలిపారు. అన్ని VVIP విదేశీ ప్రతినిధుల బృందాలు జనవరి 20న లక్నో చేరుకుని, జనవరి 21 సాయంత్రం అయోధ్యకు చేరుకుంటాయి. మరికొంత మంది విదేశీ అతిథులను ఆహ్వానించాలని భావించినా.. స్థలాభావం కారణంగా అతిధుల జాబితాను తగ్గించాల్సి వచ్చిందన్నారు.

శ్రీరామ జన్మభూమి తీర్థ క్షేత్ర ట్రస్టు ఆధ్వర్యంలో జనవరి 22వ తేదీ మధ్యాహ్నానికి రాముని ప్రాణప్రతిష్ట కార్యక్రమాన్ని పూర్తి చేయాలని నిర్ణయించారు. జనవరి 16 నుంచి వైదిక కార్యక్రమాలు ప్రారంభం కానున్నాయి.ప్రాణప్రిష్ట వేదికకు 11 రోజుల ముందు ప్రధాని ప్రత్యేక అనుష్టాన కార్యక్రమాలను ప్రారంభించారు. ఆహ్వానించబడిన దేశాలు అర్జెంటీనా, ఆస్ట్రేలియా, బెలారస్, బోట్స్వానా, కెనడా, కొలంబియా, డెన్మార్క్, డొమినికా, డెమొక్రాటిక్ రిపబ్లిక్ ఆఫ్ కాంగో (DRC), ఈజిప్ట్, ఇథియోపియా, ఫిజి, ఫిన్లాండ్, ఫ్రాన్స్, జర్మనీ, ఘనా, గయానా, హాంకాంగ్, హంగరీ, ఇండోనేషియా, ఐర్లాండ్, ఇటలీ, జమైకా, జపాన్, కెన్యా, కొరియా, మలేషియా, మలావి, మారిషస్, మెక్సికో, మయన్మార్, నెదర్లాండ్స్, న్యూజిలాండ్, నైజీరియా, నార్వే, సియెర్రా లియోన్, సింగపూర్, దక్షిణాఫ్రికా, స్పెయిన్, శ్రీలంక, సురినామ్, స్వీడన్, తైవాన్ ట్రినిడాడ్ & టొబాగో, వెస్టిండీస్, ఉగాండా, UK, USA, వియత్నాం మరియు జాంబియాతో సహా టాంజానియా, థాయిలాండ్.