CWC Meeting: సీడబ్ల్యూసీ మీటింగ్ గెస్ట్లకు నోరూరించే వంటకాలు.. తలకాయ కూరతో సహా.. 78 వెరైటీలు
1 min readCWC Meeting: తెలంగాణతో పాటు రాజస్థాన్, మధ్యప్రదేశ్, ఛత్తీస్గఢ్, మిజోరంలలో త్వరలో ఎన్నికలు జరగనున్నాయి. వీటిలో హైదరాబాద్లోనే సీడబ్ల్యూసీ సమావేశాలు నిర్వహించేందుకు కాంగ్రెస్ అధిష్టానం మొగ్గు చూపింది. తెలంగాణ ఎన్నికల్లో కాంగ్రెస్కే విజయావకాశాలు ఉన్నాయని చర్చ జరుగుతోంది. ఈ క్రమంలో రాష్ట్ర కేడర్లో ఉత్సాహం నింపేందుకు, బీఆర్ఎస్ను ఎదుర్కొంటామనే సంకేతాలు ఇచ్చేందుకు ఇక్కడ సమావేశాలు నిర్వహించారు. దాదాపు 18 ఏళ్ల తర్వాత హైదరాబాద్ లో ఈ ప్రతిష్ఠాత్మక సభ నిర్వహిస్తున్నట్లు తెలుస్తోంది. దేశంలో వచ్చే ఎన్నికల్లో ఆ పార్టీ ఎలాంటి వ్యూహాలు అనుసరించాలి? బీజేపీని ఎలా ఎదుర్కోవాలనే దానిపై ఈ సమావేశంలో చర్చించనున్నారు. ప్రధానంగా.. త్వరలో ఐదు రాష్ట్రాల ఎన్నికలపై ఈ సమావేశంలో ప్రధానంగా చర్చించనున్నారు. అయితే.. ఈ సమావేశాలకు మల్లికార్జున ఖర్గేతోపాటు సోనియా గాంధీ, రాహుల్ గాంధీ, ప్రియాంక గాంధీ హాజరయ్యారు. కాగా, ఈ సమావేశానికి వచ్చిన అతిథులకు ఘనంగా విందు ఇవ్వాలని కాంగ్రెస్ నేతలు ప్లాన్ చేశారు.
అతిథులకు 78 రకాల వంటకాలు
సీడబ్ల్యూసీ సమావేశాలకు వచ్చే నేతలకు తెలంగాణ ప్రత్యేక వంటకాలతో పాటు హైదరాబాదీ దమ్ బిర్యానీ వడ్డించనున్నారు. మొత్తం 78 రకాల వంటకాలను వడ్డించేందుకు పీసీసీ ఏర్పాట్లు చేసింది. ఉదయం అల్పాహారం నుంచి రాత్రి భోజనం వరకు అన్ని రకాల వంటకాలు, రుచులు ఉండేలా మెనూను సిద్ధం చేశారు. సోనియా, రాహుల్, ప్రియాంక, ఖర్గే, కాంగ్రెస్ పాలిత రాష్ట్రాల సీఎంలు, వివిధ రాష్ట్రాల సీనియర్ల రాకతో ప్రత్యేక వంటకాల కోసం వివిధ ప్రాంతాల నుంచి వంటవాళ్లను రప్పించింది.
►ఇడ్లీ, వడ, దోశ, పెసరట్టు, ఉగ్గని, కిచిడి, ఉప్మా, రాగులు, జొన్న సంగటి, పాయ పులుసు, ఖీమా రోటీ, మిల్లెట్ ఉప్మా, మిల్లెట్ వడ, ప్రూట్ సలాడ్ అల్పాహారంగా అందజేయబడతాయి.
►మధ్యాహ్న భోజనంలో హైదరాబాద్ దమ్ బిర్యానీ, హలీమ్, బగరా రైస్, కుర్మా, దాల్చా మటన్, స్పెషల్ చికెన్, మటన్ కర్రీ, చికెన్ ఫ్రై, తలకాయ కూర, లివర్ ఫ్రై, తెలంగాణ స్పెషల్ మటన్ కర్రీ, చింతచిగురు మటన్, గోంగూర మటన్, చేపలు వడ్డిస్తారు.
► శాఖాహారులకు పచ్చిపులుసు, గోంగూర చట్నీ, గుత్తి బెండకాయ, కొబ్బరి చట్నీ, అంబలి, దాల్చా, రోటీ చట్నీ ఉంటాయి.
► ఇరానీ చాయ్, ఉస్మానియా బిస్కెట్లు, సర్వా పిండి, వివిధ రకాల సమోసాలు, కుడ్లులు, మురుకులు, ఉడకబెట్టిన మొక్కజొన్నలు, సకినాలు, గారెలు స్నాక్స్ ఐటమ్స్గా రుచి చూస్తాయి.